-
-
Afrikaans (1953) -
-
39
|Lucas 11:39|
Maar die Here sê vir hom: Ja, julle Fariseërs, julle maak die buitekant van die beker en die bord skoon, maar van binne is julle vol roof en boosheid.
-
40
|Lucas 11:40|
Onverstandiges, het Hy wat die buitekant gemaak het, nie die binnekant ook gemaak nie?
-
41
|Lucas 11:41|
Maar gee wat daarin is, as aalmoes, en dan is alles vir julle rein.
-
42
|Lucas 11:42|
Maar wee julle, Fariseërs, want julle gee tiendes van die kruisement en die wynruit en elke groentesoort, en julle verwaarloos die reg en die liefde tot God. Hierdie dinge behoort julle te doen sonder om die ander na te laat.
-
43
|Lucas 11:43|
Wee julle, Fariseërs, want julle hou van die voorste banke in die sinagoges en die begroetinge op die markte.
-
44
|Lucas 11:44|
Wee julle, skrifgeleerdes en Fariseërs, geveinsdes, want julle is soos grafte wat onherkenbaar is, en die mense wat daaroor loop, weet dit nie.
-
45
|Lucas 11:45|
Toe antwoord een van die wetgeleerdes en sê vir Hom: Meester, as U só spreek, beledig U ons ook.
-
46
|Lucas 11:46|
En Hy sê: Wee julle ook, wetgeleerdes, want julle lê laste op die mense wat swaar is om te dra, en self roer julle die laste nie met een van julle vingers aan nie.
-
47
|Lucas 11:47|
Wee julle, want julle bou die grafte van die profete, en julle vaders het hulle gedood.
-
48
|Lucas 11:48|
Julle gee dus getuienis vir die werke van julle vaders en het saam welbehae daarin, want hulle het hul gedood en julle bou hul grafte.
-
-
Sugerencias
Haga clic para leer Job 25-28