-
-
Maori -
-
1
|Juan 12:1|
¶ Na e ono nga ra i mua ake o te kapenga ka haere a Ihu ki Petani, kei reira nei a Raharuhi, i whakaarahia ake nei e ia i te hunga mate.
-
2
|Juan 12:2|
A taka ana e ratou he hapa mana i reira; ko Mata te kaitaka; ko Raharuhi tetahi o te hunga i noho tahi me ia.
-
3
|Juan 12:3|
Na ka mau a Meri ki tetahi pauna hinu kakara, he tino nara, he mea utu nui, whakawahia ana e ia nga waewae o Ihu, me te muru ano i ona waewae ki ona makawe; ki noa te whare i te kakara o te hinu.
-
4
|Juan 12:4|
Na ka mea tetahi o ana akonga, a Hura Ikariote, tenei meake nei tuku i a ia,
-
5
|Juan 12:5|
He aha tenei hinu te hokona ai ki nga pene e toru rau, ka hoatu ai ki te hunga rawakore?
-
6
|Juan 12:6|
I korerotia ai tenei e ia, ehara i te mea he whakaaro nona ki te hunga rawakore; erangi no te mea he tahae ia, i a ia hoki te putea, ko ia hoki hei mau i nga mea i whaongia ki roto.
-
7
|Juan 12:7|
Na ko te meatanga a Ihu, Waiho ra u ana; i tohungia tenei e ia mo te ra o toku tanumanga.
-
8
|Juan 12:8|
Kei a koutou hoki nga rawakore i nga wa katoa; ko ahau ia e kore e noho tonu i a koutou.
-
9
|Juan 12:9|
He tokomaha o nga Hurai i matau kei reira a Ihu: a haere mai ana, ehara i te mea mo Ihu anake, erangi kia kite hoki i a Raharuhi, i whakaarahia nei e ia i te hunga mate.
-
10
|Juan 12:10|
Otira kua takoto te whakaaro o nga tohunga nui kia whakamatea ano a Raharuhi;
-
-
Sugerencias
Haga clic para leer Levítico 11-12