-
-
Maori -
-
1
|Juan 7:1|
¶ I muri i enei mea ka haereere a Ihu i Kariri: kahore hoki ia i pai ki te haereere i Huria, e rapu ana hoki nga Hurai kia whakamatea ia.
-
2
|Juan 7:2|
Na kua tata te hakari a nga Hurai, te hakari whare wharau.
-
3
|Juan 7:3|
Na ka mea ona teina ki a ia, Haere atu i konei, anga atu ki Huria, kia kite ai hoki au akonga i au mahi e mahi nei koe.
-
4
|Juan 7:4|
E kore hoki tetahi tangata e mea huna i tetahi mea, ki te whai ia kia ara tona ingoa. Ki te mea koe i enei mea, kia kite te ao i a koe.
-
5
|Juan 7:5|
Ko ona teina tonu hoki kihai i whakapono ki a ia.
-
6
|Juan 7:6|
Na ka mea a Ihu ki a ratou, Kahore ano kia taea noatia toku taima: ko to koutou taima ia kei nga wa katoa.
-
7
|Juan 7:7|
E kore e ahei kia kino te ao ki a koutou; engari ka kino ki ahau, no te mea e whakaaturia ana e ahau te kino o ana mahi.
-
8
|Juan 7:8|
Haere koutou ki tenei hakari: e kore ahau e haere wawe ki tenei hakari; kahore hoki toku taima kia ata rite noa.
-
9
|Juan 7:9|
A ka mutu tenei korero ana ki a ratou, ka noho tonu ia ki Kariri.
-
10
|Juan 7:10|
A, no ka riro ona teina ki te hakari, ka haere ano hoki ia, ehara i te mea whakakite nui, engari i tu a huna.
-
-
Sugerencias
Haga clic para leer Levítico 11-12