-
-
Maori -
-
19
|Juan 4:19|
Ka mea te wahine ki a ia, E kara, e kite ana ahau he poropiti koe.
-
20
|Juan 4:20|
I karakia o matou matua i runga i tenei maunga; a e mea ana koutou, Ko Hiruharama te wahi e tika ai te karakia.
-
21
|Juan 4:21|
Ka mea a Ihu ki a ia, E tai, whakapono ki ahau, meake puta te wa, e kore ai koutou e karakia ki te Matua i runga i tenei maunga, e kore ano i Hiruharama.
-
22
|Juan 4:22|
Kahore koutou e mohio ki ta koutou e karakia nei: e matau ana matou ki ta matou e karakia nei; no nga Hurai nei hoki te ora.
-
23
|Juan 4:23|
Otira meake puta te wa, a tenei ano, e karakia ai nga kaikarakia pono ki te Matua i runga i te wairua, i te pono: e rapu ana hoki te Matua ki te pera hei karakia ki a ia.
-
24
|Juan 4:24|
He Wairua te Atua: me karakia hoki nga kaikarakia ki a ia i runga i te wairua, i te pono.
-
25
|Juan 4:25|
Ka mea te wahine ki a ia, E matau ana ahau kei te haere mai te Mihaia, e kiia nei ko te Karaiti, ka tae mai ia, mana nga mea katoa e korero ki a tatou.
-
26
|Juan 4:26|
Ka mea a Ihu ki a ia, Ko ahau ano ia e korero nei ki a koe.
-
27
|Juan 4:27|
¶ Na ka puta i reira ana akonga, ka miharo ki tana korerotanga ki te wahine: heoi kihai tetahi i mea, He aha tau e rapu? he aha koe ka korero ai ki a ia?
-
28
|Juan 4:28|
Na ka whakarerea e te wahine tana ipu, a haere ana ki te pa, ka mea ki nga tangata,
-
-
Sugerencias
Haga clic para leer Levítico 11-12