-
-
Maori -
-
5
|Juan 9:5|
I ahau i te ao nei, ko ahau te marama o te ao.
-
6
|Juan 9:6|
Ka mutu enei korero ana, ka tuwha ia ki te whenua, a pokepokea ana tetahi paru ki te huware, pania atu ana te paru ki nga kanohi o te matapo,
-
7
|Juan 9:7|
Na ka mea ki a ia, haere ki te horoi ki te kaukauranga i Hiroama, ko Tono te whakamaoritanga. Na haere ana ia, horoi ana, a hoki titiro ana mai.
-
8
|Juan 9:8|
¶ Na ka mea nga tangata e noho tata ana, ratou ko nga tangata i kite i tona matapotanga i mua, Ehara ianei tenei i taua tangata i noho ra, i tono mea ra mana?
-
9
|Juan 9:9|
Ka mea etahi, Ko ia tenei: ko etahi i mea, Kahore, engari rite tonu ki a ia te ahua. Ka mea ia, Ko ahau ra ia.
-
10
|Juan 9:10|
Katahi ratou ka mea ki a ia, Na te aha ra i kite ai ou kanohi?
-
11
|Juan 9:11|
Ka whakahoki ia ka mea, Na te tangata, e huaina nei ko Ihu, i pokepoke he paru, pania ana e ia ki oku kanohi, ka mea mai ki ahau, Haere ki Hiroama horoi ai: na, ko toku haerenga atu, ko taku horoinga, kite ana ahau.
-
12
|Juan 9:12|
Na ka mea ratou ki a ia, Kei hea ia? Ka mea ia, E kore ahau e mohio.
-
13
|Juan 9:13|
¶ Ka kawea atu ki nga parihi taua tangata i matapo i mua ra.
-
14
|Juan 9:14|
Na no te hapati i pokepokea ai e Ihu te paru, i meinga ai ona kanohi kia kite.
-
-
Sugerencias
Haga clic para leer 1 Crónicas 13-16