Joel 2 - Versão AFRIKAANS - Novo Tempo - BibliaOnLine

Joel

Leia por capítulos

Comentário sobre a Leitura Bíblica de Hoje

1

2

3

Afrikaans (1953)

Capítulo 2

₁ |Joel 2:1| Blaas die basuin op Sion, en blaas alarm op my heilige berg! Laat al die inwoners van die land bewe, want die dag van die HERE kom, want hy is naby--

₂ |Joel 2:2| 'n dag van duisternis en donkerheid, 'n dag van wolke en wolkenag; soos die môreskemering, uitgesprei oor die berge, kom 'n talryke en magtige volk, wat van oudsher sy gelyke nie gehad het nie en dit hierna ook nie sal hê tot in die jare van die verste geslagte nie.

₃ |Joel 2:3| Voor hom uit verteer 'n vuur, en agter hom brand 'n vlam; voor hom lyk die land soos die tuin van Eden, en agter hom is dit 'n woeste wildernis; ook kan niks daaraan ontkom nie.

₄ |Joel 2:4| Sy voorkoms is soos dié van perde, en net soos ryperde so hardloop hulle.

₅ |Joel 2:5| Soos die gedruis van waens huppel hulle oor die bergtoppe, soos die geknetter van 'n vuurvlam wat die kaf verteer, soos 'n magtige volk wat vir die geveg opgestel is.

₆ |Joel 2:6| Vir hom bewe die volke van angs, alle aangesigte verbleek.

₇ |Joel 2:7| Soos helde hardloop hulle, soos krygsmanne klim hulle op die muur, en elkeen gaan sy eie koers; hulle verander nie van pad nie.

₈ |Joel 2:8| En die een druk nie die ander nie; elkeen gaan sy eie pad; en tussen wapens deur val hulle; maar hulle bly in gelid.

₉ |Joel 2:9| Hulle oorval die stad, hulle hardloop op die muur, hulle klim in die huise, hulle dring by die vensters in soos 'n dief.

₁₀ |Joel 2:10| Voor hulle bewe die aarde, sidder die hemel; die son en die maan word swart, en die sterre trek hulle glans in.

- Sugestões