Levítico 19 - Versão AFRIKAANS - Novo Tempo - BibliaOnLine

Levítico

Leia por capítulos

Comentário sobre a Leitura Bíblica de Hoje

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

Afrikaans (1953)

Capítulo 19

₁ |Levítico 19:1| Verder het die HERE met Moses gespreek en gesê:

₂ |Levítico 19:2| Spreek met die hele vergadering van die kinders van Israel en sê vir hulle: Heilig moet julle wees, want Ek, die HERE julle God, is heilig.

₃ |Levítico 19:3| Elkeen moet sy moeder en sy vader vrees, en my sabbatte hou. Ek is die HERE julle God.

₄ |Levítico 19:4| Begeef julle nie tot die afgode en maak vir julle geen gegote gode nie. Ek is die HERE julle God.

₅ |Levítico 19:5| En as julle 'n dankoffer aan die HERE slag, moet julle dit so offer, dat julle welgevalle kan vind.

₆ |Levítico 19:6| Op die dag as julle dit offer en die dag daarna, moet dit geëet word; maar wat tot die derde dag toe oorbly, moet met vuur verbrand word.

₇ |Levítico 19:7| En as dit tog op die derde dag geëet word, sal dit 'n onrein ding wees; dit sal nie met welgevalle aangeneem word nie.

₈ |Levítico 19:8| En hy wat dit eet, moet sy ongeregtigheid dra, want wat heilig is aan die HERE, het hy ontheilig. Daarom moet dié siel uit sy volksgenote uitgeroei word.

₉ |Levítico 19:9| En as julle die opbrings van julle land oes, moet jy die kant van jou land nie heeltemal afoes en die are wat val, nie versamel nie.

₁₀ |Levítico 19:10| Jou wingerd moet jy ook nie skoon afoes nie, en die trossies wat van jou wingerd val, nie versamel nie. Vir die arme en die vreemdeling moet jy dit laat oorbly. Ek is die HERE julle God.

- Sugestões