-
Leer por capítulos:
-
Afrikaans (1953) -
-
1
|2 Crónicas 18:1|
En toe Jósafat rykdom en eer in oorvloed gehad het, het hy hom verswaer met Agab.
-
2
|2 Crónicas 18:2|
En ná verloop van enkele jare het hy afgetrek na Agab, na Samaría, en Agab het vir hom en die manskappe wat by hom was, skape en beeste in menigte geslag en hom aangehits om teen Ramot in Gílead op te trek.
-
3
|2 Crónicas 18:3|
Toe sê Agab, die koning van Israel, vir Jósafat, die koning van Juda: Sal u met my saam na Ramot in Gílead trek? En hy antwoord hom: Ek is soos u, en my volk soos u volk, en ons sal saam met u in die oorlog wees.
-
4
|2 Crónicas 18:4|
Verder het Jósafat aan die koning van Israel gesê: Raadpleeg tog eers die woord van die HERE.
-
5
|2 Crónicas 18:5|
Toe laat die koning van Israel die profete, vier honderd man, bymekaarkom en sê vir hulle: Sal ons teen Ramot in Gílead trek om te veg, of sal ek dit laat staan? En hulle antwoord: Trek op, en God sal dit in die hand van die koning gee.
-
6
|2 Crónicas 18:6|
Maar Jósafat sê: Is hier nie nog 'n profeet van die HERE, dat ons deur hom kan raadpleeg nie?
-
7
|2 Crónicas 18:7|
En die koning van Israel antwoord Jósafat: Daar is nog een man om die HERE deur hom te raadpleeg; maar ék haat hom, want hy profeteer oor my niks goeds nie, maar altyd onheil; dit is Miga, die seun van Jimla. En Jósafat sê: Die koning moet nie so spreek nie!
-
8
|2 Crónicas 18:8|
Daarop roep die koning van Israel 'n hofdienaar en sê: Gaan haal gou vir Miga, die seun van Jimla.
-
9
|2 Crónicas 18:9|
Onderwyl die koning van Israel en Jósafat, die koning van Juda, elkeen op sy troon sit, beklee met koninklike klere, en hulle op 'n dorsvloer sit by die ingang van die poort van Samaría, en al die profete voor hulle profeteer,
-
10
|2 Crónicas 18:10|
het Sedekía, die seun van Kenaäna, vir hom ysterhorings gemaak en gesê: So spreek die HERE: Hiermee sal u die Arameërs stoot totdat hulle vernietig is.
-
-
Sugerencias
Haga clic para leer Job 3-5