-
Leer por capítulos:
-
Afrikaans (1953) -
-
1
|2 Crónicas 24:1|
Joas was sewe jaar oud toe hy koning geword het, en hy het veertig jaar in Jerusalem geregeer; en die naam van sy moeder was Sibja, uit Berséba.
-
2
|2 Crónicas 24:2|
En Joas het gedoen wat reg was in die oë van die HERE, al die dae van die priester Jójada.
-
3
|2 Crónicas 24:3|
En Jójada het vir hom twee vroue geneem, en hy het die vader geword van seuns en dogters.
-
4
|2 Crónicas 24:4|
En daarna het Joas hom voorgeneem om die huis van die HERE te herstel.
-
5
|2 Crónicas 24:5|
Daarom het hy die priesters en die Leviete versamel en aan hulle gesê: Gaan uit na die stede van Juda en versamel geld uit die hele Israel om van jaar tot jaar die huis van julle God te herstel; en júlle moet gou maak met die saak! Maar die Leviete het nie gou gemaak nie.
-
6
|2 Crónicas 24:6|
Toe roep die koning die hoofpriester Jójada en sê vir hom: Waarom het jy nie gesorg dat die Leviete uit Juda en uit Jerusalem die belasting van Moses, die kneg van die HERE, en van die vergadering van Israel vir die tent van die Getuienis inbring nie?
-
7
|2 Crónicas 24:7|
Want die goddelose Atália--haar seuns het in die huis van God ingebreek en selfs al die heilige gawes van die huis van die HERE vir die Baäls gebruik.
-
8
|2 Crónicas 24:8|
Op bevel van die koning maak hulle toe 'n kis en sit dit buitekant by die poort van die huis van die HERE neer.
-
9
|2 Crónicas 24:9|
En hulle het uitgeroep in Juda en in Jerusalem om aan die HERE die belasting wat Moses, die kneg van God, op Israel in die woestyn gelê het, te bring.
-
10
|2 Crónicas 24:10|
Toe was al die owerstes en die hele volk bly, en hulle het dit ingebring en in die kis gegooi totdat hulle klaar was.
-
-
Sugerencias
Haga clic para leer Proverbios 12-15