-
Leer por capítulos:
-
Afrikaans (1953) -
-
1
|2 Crónicas 6:1|
Toe het Salomo gesê: Die HERE het gesê dat Hy in donkerheid wil woon.
-
2
|2 Crónicas 6:2|
Maar ék het vir U 'n woonhuis gebou, en 'n vaste plek vir U om ewig in te bly.
-
3
|2 Crónicas 6:3|
Daarop draai die koning sy aangesig om en seën die hele vergadering van Israel, terwyl die hele vergadering van Israel staan.
-
4
|2 Crónicas 6:4|
En hy sê: Geloofd sy die HERE, die God van Israel, wie se hande volbring het wat sy mond tot my vader Dawid gespreek en gesê het:
-
5
|2 Crónicas 6:5|
Van die dag af dat Ek my volk uit Egipteland uitgelei het, het Ek geen stad verkies uit al die stamme van Israel om 'n huis te bou, dat my Naam daar sou wees nie; en Ek het geen man verkies om vors oor my volk Israel te wees nie.
-
6
|2 Crónicas 6:6|
Maar Ek het Jerusalem verkies, dat my Naam daar sou wees, en Ek het Dawid verkies om oor my volk Israel te wees.
-
7
|2 Crónicas 6:7|
Toe dit dan in die hart van my vader Dawid was om 'n huis te bou vir die Naam van die HERE, die God van Israel,
-
8
|2 Crónicas 6:8|
het die HERE aan my vader Dawid gesê: Dat dit in jou hart was om vir my Naam 'n huis te bou--daarin het jy goed gehandel dat dit in jou hart was.
-
9
|2 Crónicas 6:9|
Alleen maar, jy sal die huis nie bou nie, maar jou seun wat uit jou lendene sal voortkom, dié sal vir my Naam die huis bou.
-
10
|2 Crónicas 6:10|
En die HERE het sy woord vervul wat Hy gespreek het; sodat ek opgestaan het in die plek van my vader Dawid, en ek sit op die troon van Israel soos die HERE gespreek het; en ek het die huis gebou vir die Naam van die HERE, die God van Israel,
-
-
Sugerencias
Haga clic para leer 2 Corintios 5-7