-
Leer por capítulos:
-
Afrikaans (1953) -
-
1
|2 Crónicas 29:1|
Jehiskía het, vyf en twintig jaar oud, koning geword en nege en twintig jaar in Jerusalem geregeer; en die naam van sy moeder was Abía, die dogter van Sagaría.
-
2
|2 Crónicas 29:2|
En hy het gedoen wat reg was in die oë van die HERE net soos sy vader Dawid gedoen het.
-
3
|2 Crónicas 29:3|
Hy het in die eerste jaar van sy regering, in die eerste maand, die deure van die huis van die HERE oopgemaak en dit herstel,
-
4
|2 Crónicas 29:4|
en die priesters en die Leviete laat inkom en hulle versamel op die Oosplein
-
5
|2 Crónicas 29:5|
en vir hulle gesê: Luister na my, Leviete! Heilig julle nou, en heilig die huis van die HERE, die God van julle vaders, en bring die onreinheid uit die heiligdom uit;
-
6
|2 Crónicas 29:6|
want ons vaders het ontrou gehandel en gedoen wat verkeerd was in die oë van die HERE onse God, en hulle het Hom verlaat en hulle aangesig van die tabernakel van die HERE afgewend en dit die rug toegekeer.
-
7
|2 Crónicas 29:7|
Ook het hulle die deure van die voorportaal toegesluit en die lampe doodgeblaas en geen reukwerk aan die brand gesteek en geen brandoffer in die heiligdom aan die God van Israel gebring nie.
-
8
|2 Crónicas 29:8|
Daarom het 'n toorn van die HERE oor Juda en Jerusalem gekom, en Hy het hulle 'n skrikbeeld, 'n voorwerp van verbasing en van bespotting gemaak, soos julle met jul eie oë sien.
-
9
|2 Crónicas 29:9|
En kyk, hierom het ons vaders deur die swaard geval en is ons seuns en ons dogters en ons vroue in gevangenskap.
-
10
|2 Crónicas 29:10|
Nou is dit in my hart om 'n verbond te sluit met die HERE, die God van Israel, dat sy toorngloed van ons afgewend kan word.
-
-
Sugerencias
Haga clic para leer Job 3-5