-
Leer por capítulos:
-
Afrikaans (1953) -
-
11
|2 Crónicas 28:11|
Luister dan nou na my en laat die gevangenes wat julle van jul broers weggevoer het, teruggaan; want die toorngloed van die HERE is op julle!
-
12
|2 Crónicas 28:12|
Toe het daar manne uit die hoofde van die kinders van Efraim opgetree teen die wat uit die stryd kom: Asárja, die seun van Jóhanan, Berégja, die seun van Mesíllemot, en Jehiskía, die seun van Sallum, en Amása, die seun van Hádlai,
-
13
|2 Crónicas 28:13|
en aan hulle gesê: Julle mag die gevangenes nie hierheen bring nie; want julle dink om by ons sondes en by ons skuld nog by te voeg, sodat ons skuldig sou staan voor die HERE; want ons skuld is groot, en die toorngloed is oor Israel.
-
14
|2 Crónicas 28:14|
Die gewapendes het toe die gevangenes en die buit voor die owerstes en die hele vergadering losgelaat.
-
15
|2 Crónicas 28:15|
En die manne wat met hulle naam aangewys was, het opgestaan en die gevangenes ondersteun en al die naaktes onder hulle uit die buit klere aangetrek; en hulle het aan hulle klere en skoene gegee en hulle laat eet en drink en hulle gesalf en almal wat moeg was, op esels vervoer en na Jérigo, die palmstad, by hul broers gebring; daarna het hulle na Samaría teruggegaan.
-
16
|2 Crónicas 28:16|
In dieselfde tyd het koning Agas na die konings van Assirië gestuur dat hulle hom moet help.
-
17
|2 Crónicas 28:17|
Bowendien het ook die Edomiete gekom en Juda verslaan en gevangenes weggevoer.
-
18
|2 Crónicas 28:18|
Ook die Filistyne het plundertogte onderneem teen die stede van die Laeveld en die Suidland van Juda; en hulle het ingeneem: Bet-Sémes en Ajalon en Géderot en Sogo met sy onderhorige plekke en Timna met sy onderhorige plekke en Gimso met sy onderhorige plekke, en daarin gaan woon;
-
19
|2 Crónicas 28:19|
want die HERE het Juda verneder ter wille van Agas, die koning van Israel, omdat hy losbandigheid in Juda bevorder en gedurig ontrou teen die HERE gehandel het.
-
20
|2 Crónicas 28:20|
En Tilgat-Pilnéser, die koning van Assirië, het hom oorval en hom in benoudheid gebring en hom nie gehelp nie;
-
-
Sugerencias
Haga clic para leer Job 8-10