-
Leer por capítulos:
-
Afrikaans (1953) -
-
1
|Isaías 17:1|
Godspraak oor Damaskus. Kyk, Damaskus word weggeneem, sodat dit geen stad meer is nie, maar dit sal 'n vervalle puinhoop word.
-
2
|Isaías 17:2|
Die stede Aroër sal verlate wees; vir die troppe vee sal hulle wees wat daar sal lê sonder dat iemand hulle skrikmaak.
-
3
|Isaías 17:3|
En die vesting sal verdwyn uit Efraim, en die koningskap uit Damaskus; en met die oorblyfsel van Aram sal dit gaan soos met die heerlikheid van die kinders van Israel, spreek die HERE van die leërskare.
-
4
|Isaías 17:4|
En in dié dag sal die heerlikheid van Jakob gering word, en die vet van sy vlees sal wegteer.
-
5
|Isaías 17:5|
En dit sal wees soos wanneer die maaier die ongesnyde graan bymekaarvat en sy arm die are afmaai; ja, dit sal wees soos wanneer iemand are optel in die dal Refaim.
-
6
|Isaías 17:6|
Maar 'n na-oes sal daarin oorbly soos by die afslaan van die olywe: twee, drie vruggies bo in die top; vier, vyf in die takke van die vrugteboom, spreek die HERE, die God van Israel.
-
7
|Isaías 17:7|
In dié dag sal die mens kyk na sy Maker, en sy oë sal sien op die Heilige van Israel;
-
8
|Isaías 17:8|
en hy sal nie kyk na die altare nie, die werk van sy hande; en wat sy vingers gemaak het, sal hy nie aansien nie: die heilige boomstamme en die sonpilare.
-
9
|Isaías 17:9|
In dié dag sal die stede wat sy toevlug was, wees soos die bouvalle van die bos en van die bergtop wat verlaat is vanweë die kinders van Israel, en dit sal 'n wildernis wees.
-
10
|Isaías 17:10|
Want jy het vergeet die God van jou heil en nie gedink aan die rots wat jou toevlug was nie. Daarom lê jy lieflike tuine aan en beplant dit met uitlandse wingerdstokke;
-
-
Sugerencias
Haga clic para leer Job 3-5