-
Leer por capítulos:
-
Afrikaans (1953) -
-
1
|Isaías 7:1|
En in die dae van Agas, die seun van Jotam, die seun van Ussía, die koning van Juda, het Resin, die koning van Aram, met Peka, die seun van Remália, die koning van Israel, opgetrek na Jerusalem om daarteen oorlog te voer; maar hy kon nie daarteen veg nie.
-
2
|Isaías 7:2|
Toe hulle aan die huis van Dawid berig stuur met die woorde: Die Arameërs het op Efraim toegesak! --het sy hart en die hart van sy volk gebewe soos die bome van die bos bewe voor die wind.
-
3
|Isaías 7:3|
En die HERE het vir Jesaja gesê: Gaan tog uit, Agas tegemoet, jy en jou seun Sjear Ja-sjub, aan die end van die watervoor van die Boonste Dam, by die grootpad van die Bleikveld,
-
4
|Isaías 7:4|
en sê vir hom: Neem jou in ag en wees gerus; wees nie bevrees en laat jou hart nie week word oor hierdie twee rokende stukke brandhout nie--weens die gloeiende toorn van Resin en die Arameërs en van die seun van Remália;
-
5
|Isaías 7:5|
omdat Aram onheil teen jou besluit het, Efraim en die seun van Remália, deur te sê:
-
6
|Isaías 7:6|
Laat ons optrek teen Juda en dit skrik aanjaag en dit vir ons verower en die seun van Tábeal daaroor koning maak.
-
7
|Isaías 7:7|
So sê die Here HERE: Dit sal nie tot stand kom nie, en dit sal nie gebeur nie.
-
8
|Isaías 7:8|
Want Damaskus is die hoof van Aram, en Resin die hoof van Damaskus, en binne vyf en sestig jaar sal Efraim verbreek word, sodat dit geen volk meer is nie;
-
9
|Isaías 7:9|
en Samaría is die hoof van Efraim, en die seun van Remália die hoof van Samaría. As julle nie glo nie--voorwaar, dan sal julle nie bevestig word nie!
-
10
|Isaías 7:10|
En die HERE het verder met Agas gespreek en gesê:
-
-
Sugerencias
Haga clic para leer Job 3-5