-
Leer por capítulos:
-
Afrikaans (1953) -
-
1
|Isaías 34:1|
Kom nader, o volke, om te hoor; en nasies, luister! Laat die aarde hoor, en die volheid daarvan, die wêreld en alles wat daaruit voortkom.
-
2
|Isaías 34:2|
Want die toorn van die HERE is oor al die nasies, en grimmigheid oor al hulle leërskare; Hy het hulle met die banvloek getref, Hy het hulle oorgegee om geslag te word.
-
3
|Isaías 34:3|
En hulle gesneuweldes sal weggewerp word, en die stank van hulle lyke gaan op, en die berge smelt van hulle bloed.
-
4
|Isaías 34:4|
En al die leërskare van die hemel vergaan, en die hemel word inmekaar gerol soos 'n boek en al sy leërskare val af soos 'n blad van die wingerdstok afval en soos vye afval van die vyeboom.
-
5
|Isaías 34:5|
Want my swaard het dronk geword in die hemel; kyk, dit kom af op Edom en op die volk van my banvloek, om geoordeel te word.
-
6
|Isaías 34:6|
Die swaard van die HERE is vol bloed, dit drup van vet, van die bloed van lammers en bokke, van die niervet van ramme; want die HERE het 'n slagoffer in Bosra en 'n groot slagting in die land Edom.
-
7
|Isaías 34:7|
Dan val die buffels saam met hulle, en die jong stiere saam met die stiere; en hulle land word dronk van bloed, en hulle stof versadig van vet.
-
8
|Isaías 34:8|
Want die HERE hou 'n dag van wraak, 'n jaar van vergelding in die regsaak van Sion.
-
9
|Isaías 34:9|
En sy strome sal in pik verander word en sy stof in swawel, en sy land sal brandende pik word.
-
10
|Isaías 34:10|
Dit sal snags of oordag nie uitgeblus word nie; vir ewig gaan sy rook op; van geslag tot geslag lê dit woes, vir altyd en ewig trek niemand daardeur nie.
-
-
Sugerencias
Haga clic para leer Job 3-5