-
Leer por capítulos:
-
Afrikaans (1953) -
-
1
|Isaías 46:1|
Bel het inmekaargesak, Nebo staan krom; hulle afgode is vir die diere en die vee; beelde wat julle rondgedra het, is opgelaai, 'n vrag vir die vermoeide diere.
-
2
|Isaías 46:2|
Saam staan hulle krom, inmekaargesak; hulle kon die vrag nie red nie, maar het self in gevangenskap gegaan.
-
3
|Isaías 46:3|
Luister na My, o huis van Jakob en die hele oorblyfsel van die huis van Israel, julle wat deur My gedra is van die moederskoot af, opgeneem is van die geboorte af;
-
4
|Isaías 46:4|
en tot die ouderdom toe is Ék dieselfde, ja, tot die grysheid toe sal Ek julle dra; Ék het dit gedoen, en Ék sal julle opneem, en Ék sal dra en red.
-
5
|Isaías 46:5|
By wie wil julle My vergelyk en My net so maak en My gelykstel, dat ons eenders kan wees?
-
6
|Isaías 46:6|
Hulle wat goud uit die geldsak skud en silwer afweeg met die weegskaal, huur 'n goudsmid, en hy maak daar 'n god van; hulle kniel neer, ook buig hulle.
-
7
|Isaías 46:7|
Hulle hef hom op die skouer; hulle dra hom en sit hom op sy plek neer. Daar staan hy! Hy wyk nie van sy plek nie; ook al roep iemand hom, hy antwoord nie; hy verlos hom nie uit sy benoudheid nie.
-
8
|Isaías 46:8|
Dink hieraan en wees beslis; neem dit ter harte, o afvalliges!
-
9
|Isaías 46:9|
Dink aan die dinge wat tevore was, van ouds af, dat Ek God is, en daar is geen ander nie; Ek is God, en daar is niemand soos Ek nie;
-
10
|Isaías 46:10|
wat van die begin af verkondig die einde, en van die voortyd af wat nog nie gebeur het nie; wat sê: My raad sal bestaan, en al wat my behaag, sal Ek doen;
-
-
Sugerencias
Haga clic para leer Job 3-5