-
Leer por capítulos:
-
Afrikaans (1953) -
-
1
|Isaías 41:1|
Luister in stilte na My, o eilande, en laat die volke nuwe krag kry; laat hulle aankom, laat hulle dan spreek; laat ons saam na die gereg gaan.
-
2
|Isaías 41:2|
Wie het hom uit die Ooste verwek vir wie die oorwinning tegemoet tree by elke voetstap? Wie gee nasies aan hom oor en laat hom konings vertrap, wie se swaard hulle maak soos stof, wie se boog hulle maak soos 'n dwarrelende stoppel,
-
3
|Isaías 41:3|
dat hy hulle agtervolg, ongehinderd verbytrek, die pad met sy voete nie betree nie?
-
4
|Isaías 41:4|
Wie het dit gedoen en tot stand gebring? Hy wat die geslagte roep van die begin af; Ek, die HERE, die Eerste, en by die laaste is Ek dieselfde.
-
5
|Isaías 41:5|
Die eilande het dit gesien en gevrees, die eindes van die aarde het gebewe; hulle het nader gekom en toegestroom.
-
6
|Isaías 41:6|
Die een het die ander gehelp en aan sy metgesel gesê: Wees sterk!
-
7
|Isaías 41:7|
En die ambagsman het die goudsmid versterk, hy wat met die hamer plat slaan, hom wat op die aambeeld slaan, terwyl hy van die soldeersel sê: Dit is goed! Daarna slaan hy dit vas met spykers, dat dit nie wankel nie.
-
8
|Isaías 41:8|
Maar jy, Israel, my kneg, Jakob, wat Ek uitverkies het, nageslag van Abraham, my vriend,
-
9
|Isaías 41:9|
jy, wat Ek gegryp het van die eindes van die aarde en van sy uithoeke geroep het, en Ek het aan jou gesê: Jy is my kneg; jou het Ek uitverkies en jou nie verwerp nie.
-
10
|Isaías 41:10|
Wees nie bevrees nie, want Ek is met jou; kyk nie angstig rond nie, want Ek is jou God. Ek versterk jou, ook help Ek jou, ook ondersteun Ek jou met my reddende regterhand.
-
-
Sugerencias
Haga clic para leer Job 3-5