-
Leer por capítulos:
-
Afrikaans (1953) -
-
1
|Isaías 23:1|
Godspraak oor Tirus. Huil, skepe van Tarsis! want dit is verwoes, sodat daar geen huis, geen terugkeer meer is nie. Uit die land van die Kittiërs het dit aan hulle openbaar geword.
-
2
|Isaías 23:2|
Staan verstom, inwoners van die kusland! Die koopmans van Sidon wat oor die see vaar, het jou vroeër gevul.
-
3
|Isaías 23:3|
En op groot waters is die saad van Sigor, die oes van die Nyl, in hom ingebring; en so het hy 'n handelswins vir die nasies geword.
-
4
|Isaías 23:4|
Staan beskaamd, Sidon, want die see, die vesting van die see, spreek en sê: Ek het geen weë gehad en nie gebaar nie, en ek het geen jongmanne grootgemaak of jongedogters opgevoed nie.
-
5
|Isaías 23:5|
As die tyding na Egipte kom, beef hulle daar van angs by die tyding aangaande Tirus.
-
6
|Isaías 23:6|
Vaar na Tarsis oor, huil, inwoners van die kusland!
-
7
|Isaías 23:7|
Is dít julle uitgelate stad wat in die dae van die voortyd sy oorsprong het, wie se voete hom ver weggedra het om in vreemde lande te vertoef?
-
8
|Isaías 23:8|
Wie het dit besluit oor Tirus, die uitdeler van krone, wie se koopmans vorste, wie se handelaars die edeles van die aarde was?
-
9
|Isaías 23:9|
Die HERE van die leërskare het dit besluit, om te ontheilig al die pralende trots, om die edeles van die aarde in veragting te bring.
-
10
|Isaías 23:10|
Stroom oor jou land soos die Nyl, dogter van Tarsis! Daar is geen gordel meer wat hinder nie.
-
-
Sugerencias
Haga clic para leer Job 3-5