-
Leer por capítulos:
-
Afrikaans (1953) -
-
11
|Isaías 22:11|
En julle maak 'n dam tussen die twee mure vir die water van die Ou Dam; maar julle kyk nie na Hom wat dit gedoen het nie, en Hom wat dit lankal beskik het, sien julle nie.
-
12
|Isaías 22:12|
En in dié dag roep die Here, die HERE van die leërskare, tot geween en tot rouklag en tot kaalskering en tot omgording van die roukleed;
-
13
|Isaías 22:13|
maar kyk, daar is vreugde en vrolikheid, beeste word doodgemaak en skape geslag, vleis geëet en wyn gedrink, met die woorde: Laat ons eet en drink, want môre sterf ons.
-
14
|Isaías 22:14|
Maar die HERE van die leërskare het Hom in my ore geopenbaar en gesê: Waarlik, hierdie ongeregtigheid word vir julle nie versoen totdat julle sterwe nie! sê die Here, die HERE van die leërskare.
-
15
|Isaías 22:15|
So sê die Here, die HERE van die leërskare: Kom, gaan in by daardie bestuurder, by Sebna, wat oor die paleis aangestel is, en sê:
-
16
|Isaías 22:16|
Wat het jy hier, en wie het jy hier, dat jy vir jou hier 'n graf uitgekap het soos een wat in die hoogte sy graf uitkap, wat in die rots vir hom 'n woning uithol?
-
17
|Isaías 22:17|
Kyk, die HERE sal jou wegslinger, soos 'n man iets wegslinger, en jou vas inmekaar rol,
-
18
|Isaías 22:18|
jou vas inmekaar draai soos 'n tol garing, jou soos 'n bal wegslinger na 'n land wat alkante toe wyd is; daar sal jy sterwe, en daar sal jou pronkwaens wees, o skandvlek van die huis van jou heer!
-
19
|Isaías 22:19|
En Ek sal jou wegstoot uit jou pos, en uit jou plek sal Hy jou wegruk.
-
20
|Isaías 22:20|
En in dié dag sal Ek my kneg Éljakim, die seun van Hilkía, roep;
-
-
Sugerencias
Haga clic para leer Job 8-10