-
Leer por capítulos:
-
Afrikaans (1953) -
-
16
|Isaías 5:16|
Maar hoog sal die HERE van die leërskare wees deur die strafgerig, en die heilige God sal Hom as die Heilige laat ken deur geregtigheid.
-
17
|Isaías 5:17|
En daar sal lammers wei soos op hulle eie weiveld, en rondtrekkers sal die puinhope van die ryk mense laat afeet.
-
18
|Isaías 5:18|
Wee hulle wat die ongeregtigheid nader trek met koorde van goddeloosheid, en die sonde soos met wa-toue;
-
19
|Isaías 5:19|
wat sê: Laat Hy gou maak, laat Hy sy werk verhaas, dat ons dit kan sien! En laat die raad van die Heilige van Israel naby wees en kom, dat ons dit kan ken!
-
20
|Isaías 5:20|
Wee hulle wat sleg goed noem en goed sleg, wat die duisternis lig maak en die lig duisternis, wat bitter soet maak en soet bitter.
-
21
|Isaías 5:21|
Wee hulle wat in eie oë wys en na eie oordeel verstandig is.
-
22
|Isaías 5:22|
Wee hulle wat helde is om wyn te drink en wakker manne om sterk drank te meng;
-
23
|Isaías 5:23|
wat vir 'n omkoopgeskenk die skuldige regverdig verklaar en die reg van die regverdige hom ontneem.
-
24
|Isaías 5:24|
Daarom, soos die vuurtong stoppels verteer en droë gras in die vlam inmekaarsak, so sal hulle wortel soos poeier word en hulle uitspruitsel soos stof opstuiwe; omdat hulle die wet van die HERE van die leërskare verwerp het en die woord van die Heilige van Israel verag het.
-
25
|Isaías 5:25|
Daarom het die toorn van die HERE ontvlam teen sy volk en het Hy sy hand teen hulle uitgestrek en hulle swaar getref, sodat die berge gebeef het en hulle lyke soos vuilnis op die strate was. Ondanks dit alles is sy toorn nie afgewend nie, maar is sy hand nog uitgestrek.
-
-
Sugerencias
Haga clic para leer Job 8-10