-
Leer por capítulos:
-
Afrikaans (1953) -
-
1
|Isaías 19:1|
Godspraak oor Egipte. Kyk, die HERE ry op 'n vinnige wolk en kom na Egipte toe; en die afgode van Egipte wankel voor sy aangesig, en die hart van Egipte smelt in sy binneste.
-
2
|Isaías 19:2|
En Ek sal Egipte teen Egipte ophits, sodat hulle sal veg, elkeen teen sy broer en elkeen teen sy naaste, stad teen stad, koninkryk teen koninkryk.
-
3
|Isaías 19:3|
En die gees van Egipte sal radeloos word in sy binneste, en sy planne sal Ek verwar; dan raadpleeg hulle die afgode en die besweerders en die geeste van afgestorwenes en die geeste wat waarsê.
-
4
|Isaías 19:4|
En Ek sal Egipte oorgee in die hand van 'n harde meester, en 'n strenge koning sal oor hulle heers, spreek die Here HERE van die leërskare.
-
5
|Isaías 19:5|
En die waters sal uit die groot waterplas verdwyn, en die rivier sal uitdroog en droog lê.
-
6
|Isaías 19:6|
En die strome sal stink; die strome van Egipte sal swak word en uitdroog; riet en biesies sal verwelk.
-
7
|Isaías 19:7|
Die weivelde by die Nyl, by die mond van die Nyl, en elke saailand van die Nyl sal verdor, verwaai en nie meer wees nie.
-
8
|Isaías 19:8|
En die vissers sal klaag, en almal wat hoeke in die Nyl uitgooi, rou bedrywe; en die wat visnette uitsprei oor die waters, sal verkwyn.
-
9
|Isaías 19:9|
En die bewerkers van uitgekamde vlas staan beskaamd, en die wewers van wit stowwe.
-
10
|Isaías 19:10|
En sy steunpilare word verbrysel; almal wat vir loon werk, sielsbedroef.
-
-
Sugerencias
Haga clic para leer 1 Corintios 8-10