-
-
Afrikaans (1953) -
-
21
|Lucas 14:21|
En daardie dienskneg het gekom en dié dinge aan sy heer vertel. Toe het die eienaar van die huis kwaad geword en vir sy dienskneg gesê: Gaan gou uit in die strate en die gangetjies van die stad en bring die armes en verminktes en kreupeles en blindes hier in.
-
22
|Lucas 14:22|
En die dienskneg het gesê: Meneer, wat u beveel het, is gedoen, en daar is nog plek.
-
23
|Lucas 14:23|
Toe sê die heer vir die dienskneg: Gaan uit op die paaie en na die lanings en dwing hulle om in te kom, sodat my huis vol kan word.
-
24
|Lucas 14:24|
Want ek sê vir julle dat nie een van daardie manne wat genooi is, my maaltyd sal smaak nie.
-
25
|Lucas 14:25|
En groot menigtes het saam met Hom gegaan, en Hy het Hom omgedraai en vir hulle gesê:
-
26
|Lucas 14:26|
As iemand na My toe kom en hy haat nie sy vader en moeder en vrou en kinders en broers en susters, ja, selfs ook sy eie lewe nie, kan hy my dissipel nie wees nie.
-
27
|Lucas 14:27|
En elkeen wat sy kruis nie dra en agter My aan kom nie, kan my dissipel nie wees nie.
-
28
|Lucas 14:28|
Want wie van julle wat 'n toring wil bou, gaan nie eers sit en die koste bereken, of hy die middele het om dit uit te voer nie? --
-
29
|Lucas 14:29|
sodat as hy die fondament gelê het en nie in staat is om dit te voltooi nie, almal wat dit sien, nie miskien met hom sal begin spot
-
30
|Lucas 14:30|
en sê: Hierdie man het begin bou en kon nie klaarkry nie.
-
-
Sugerencias
Haga clic para leer 2 Corintios 5-7