-
-
Afrikaans (1953) -
-
26
|Lucas 13:26|
Dan sal julle begin sê: Ons het in u teenwoordigheid geëet en gedrink, en U het op ons strate geleer.
-
27
|Lucas 13:27|
En Hy sal sê: Ek sê vir julle, Ek ken julle nie waar julle vandaan is nie. Gaan weg van My, al julle werkers van die ongeregtigheid!
-
28
|Lucas 13:28|
Daar sal geween wees en gekners van die tande, wanneer julle Abraham en Isak en Jakob en al die profete in die koninkryk van God sal sien, maar julle self uitgedryf buitentoe.
-
29
|Lucas 13:29|
En hulle sal kom van oos en wes en van noord en suid en aansit in die koninkryk van God.
-
30
|Lucas 13:30|
En daar is laastes wat eerste sal wees, en daar is eerstes wat laaste sal wees.
-
31
|Lucas 13:31|
En op dieselfde dag het sommige van die Fariseërs na Hom gekom en vir Hom gesê: Gaan weg en vertrek hiervandaan, want Herodes wil U om die lewe bring.
-
32
|Lucas 13:32|
En Hy het vir hulle gesê: Gaan vertel daardie jakkals: Kyk, Ek dryf duiwels uit en maak gesond, vandag en môre, en op die derde dag is Ek klaar.
-
33
|Lucas 13:33|
Maar Ek moet vandag en môre en die volgende dag verder gaan, want dit kan nie gebeur dat 'n profeet buitekant Jerusalem omkom nie.
-
34
|Lucas 13:34|
Jerusalem, Jerusalem, jy wat die profete doodmaak en die wat na jou gestuur is, stenig, hoe dikwels wou Ek jou kinders bymekaarmaak, soos 'n hen haar kuikens onder die vlerke, en julle wou nie.
-
35
|Lucas 13:35|
Kyk, julle huis word vir julle woes gelaat. Voorwaar Ek sê vir julle dat julle My sekerlik nie sal sien nie totdat die dag kom wanneer julle sal sê: Geseënd is Hy wat kom in die Naam van die Here!
-
-
Sugerencias
Haga clic para leer Job 22-24