-
-
Afrikaans (1953) -
-
11
|2 Reis 8:11|
En hy het sy gesig strak na hom gerig totdat hy verleë was; en die man van God het geween.
-
12
|2 Reis 8:12|
Toe sê Hásael: Waarom ween my heer? En hy antwoord: Omdat ek weet watter kwaad jy die kinders van Israel sal aandoen; jy sal hulle vestings aan die brand steek en hulle jongmanne met die swaard ombring en hulle jong kinders verpletter en hulle swanger vroue oopsny.
-
13
|2 Reis 8:13|
Maar Hásael sê: Wat is u dienaar, die hond, dat hy hierdie groot ding sou doen? En ElÃsa antwoord: Die HERE het my jou laat sien as koning oor Aram.
-
14
|2 Reis 8:14|
Daarop het hy van ElÃsa af weggegaan, en toe hy by sy heer kom, het dié hom gevra: Wat het ElÃsa vir jou gesê? En hy antwoord: Hy het vir my gesê: U sal sekerlik gesond word.
-
15
|2 Reis 8:15|
Maar die volgende dag het hy die bedsprei geneem en dit in die water gesteek en oor sy gesig uitgesprei, sodat hy gesterf het; en Hásael het in sy plek koning geword.
-
16
|2 Reis 8:16|
En in die vyfde jaar van Joram, die seun van Agab, die koning van Israel, terwyl Jósafat koning was van Juda, het Jehóram, die seun van Jósafat, die koning van Juda, koning geword.
-
17
|2 Reis 8:17|
Hy was twee en dertig jaar oud toe hy koning geword het, en hy was agt jaar lank koning in Jerusalem.
-
18
|2 Reis 8:18|
En hy het gewandel in die weg van die konings van Israel, soos die huis van Agab gedoen het; want hy het die dogter van Agab as vrou gehad en het gedoen wat verkeerd was in die oë van die HERE.
-
19
|2 Reis 8:19|
Maar die HERE wou Juda nie vernietig nie ter wille van Dawid, sy kneg, volgens sy belofte aan hom dat Hy hom altyd 'n lamp vir sy seuns sou gee.
-
20
|2 Reis 8:20|
In sy dae het die Edomiete van Juda afvallig geword en 'n koning oor hulle aangestel.
-
-
Sugestões
Clique para ler Apocalipse 22-22