Lucas 8 - Versão AFRIKAANS - Novo Tempo - BibliaOnLine

Lucas

Leia por capítulos

Comentário sobre a Leitura Bíblica de Hoje

1

2

3

4

5

6

7

8

9

10

11

12

13

14

15

16

17

18

19

20

21

22

23

24

Afrikaans (1953)

Capítulo 8

₁ |Lucas 8:1| En daarna het Hy die een stad en dorp ná die ander deurgereis en gepreek en die evangelie van die koninkryk van God verkondig; en die twaalf was saam met Hom,

₂ |Lucas 8:2| ook sekere vroue wat genees was van bose geeste en siektes: Maria wat Magdaléna genoem word, uit wie sewe duiwels uitgegaan het,

₃ |Lucas 8:3| en Johanna, die vrou van Gusa, 'n bestuurder van Herodes, en Susanna en baie ander wat Hom almal met hulle besittings gedien het.

₄ |Lucas 8:4| En toe daar 'n groot menigte vergader, en die wat uit die verskillende stede by Hom aangesluit het, sê Hy aan hulle deur 'n gelykenis:

₅ |Lucas 8:5| 'n Saaier het uitgegaan om sy saad te saai; en toe hy saai, val 'n deel langs die pad en is vertrap, en die voëls van die hemel het dit opgeëet.

₆ |Lucas 8:6| En 'n ander deel het op die rots geval; en nadat dit opgeskiet het, het dit verdroog, omdat dit geen vogtigheid gehad het nie.

₇ |Lucas 8:7| En 'n ander deel het tussen die dorings in geval; en die dorings het daarmee saamgegroei en dit verstik.

₈ |Lucas 8:8| En 'n ander deel het in die goeie grond geval en gegroei en honderdvoudige vrug opgelewer. Toe Hy dit gesê het, roep Hy uit: Wie ore het om te hoor, laat hom hoor!

₉ |Lucas 8:9| En sy dissipels het Hom gevra en gesê: Wat beteken hierdie gelykenis tog?

₁₀ |Lucas 8:10| En Hy antwoord: Aan julle is dit gegee om die verborgenhede van die koninkryk van God te ken; maar aan die ander deur gelykenisse, sodat hulle, terwyl hulle sien, nie sien nie, en terwyl hulle hoor, nie verstaan nie.

- Sugestões