-
-
Afrikaans (1953) -
-
50
|Lucas 22:50|
En een van hulle het die dienskneg van die hoëpriester getref en sy regteroor afgekap.
-
51
|Lucas 22:51|
Maar Jesus het geantwoord en gesê: Hou op, dit is genoeg! En Hy het sy oor aangeraak en hom gesond gemaak.
-
52
|Lucas 22:52|
Toe sê Jesus vir die owerpriesters en hoofde van die tempel en ouderlinge wat teen Hom gekom het: Het julle uitgetrek soos teen 'n rower met swaarde en stokke?
-
53
|Lucas 22:53|
Dag vir dag was Ek saam met julle in die tempel, en julle het nie die hande teen My uitgesteek nie. Maar dit is julle uur en die mag van die duisternis.
-
54
|Lucas 22:54|
En hulle het Hom gevange geneem en weggelei en Hom gebring in die huis van die hoëpriester. En Petrus het van ver af gevolg.
-
55
|Lucas 22:55|
En toe hulle 'n vuur in die middel van die binneplaas van die paleis gemaak en bymekaar gaan sit het, het Petrus onder hulle gesit.
-
56
|Lucas 22:56|
En 'n diensmeisie het hom daar by die vuur sien sit; en nadat sy hom vas aangekyk het, sê sy: Hierdie man was ook saam met Hom.
-
57
|Lucas 22:57|
Maar hy het Hom verloën en gesê: Vrou, ek ken Hom nie.
-
58
|Lucas 22:58|
En kort daarna sien iemand anders hom en sê: Jy is ook een van hulle. Maar Petrus sê: Man, ek is nie.
-
59
|Lucas 22:59|
En ná verloop van omtrent een uur het 'n ander een dit verseker en gesê: Sowaar, hierdie man was ook saam met Hom, want hy is ook 'n Galiléër.
-
-
Sugerencias
Haga clic para leer 1 Corintios 5-7