-
Leer por capítulos:
-
Xhosa -
-
21
|Éxodo 1:21|
Kwathi, kuba abazalisikazi babemoyika uThixo, wazisikelela izindlu zabo.
-
22
|Éxodo 1:22|
UFaro wabawisela umthetho abantu bakhe bonke, wathi, Bonke oonyana abathe bazalwa, baphoseni emlanjeni; ke zonke iintombi zisindiseni.
-
1
|Éxodo 2:1|
Kwaphuma umfo wendlu kaLevi, wazeka intombi yakwaLevi.
-
2
|Éxodo 2:2|
Wamitha umfazi lowo, wazala unyana; wambona ukuba mhle, wamfihla iinyanga ezintathu.
-
3
|Éxodo 2:3|
Wathi, akuba engasenako ukumfihla, wamthabathela umkhombe wemikhanzi, wawutyabeka ngebhitumene netywina, wamfaka kuwo umntwana, wawubeka engcotyeni, elunxwemeni lomlambo.
-
4
|Éxodo 2:4|
Udade wabo wema mgama, ukuze ayazi into eya kwenzeka kuye.
-
5
|Éxodo 2:5|
Yehla ke intombi kaFaro, isiya kuqubha emlanjeni; baye abakhonzazana bayo behamba ngasecaleni lomlambo. Yabona umkhombe engcotyeni phakathi, yathuma umkhonzazana wayo, ukuba aye kuwuthabatha.
-
6
|Éxodo 2:6|
Yawunqika, yambona umntwana; nantso inkwenkwana ilila. Yaba nofefe ngayo, yathi, Ngumntwana wamaHebhere lo.
-
7
|Éxodo 2:7|
Wathi udade wabo kwintombi kaFaro, Ndiye kukubizela na umfazi wamaHebhere onokwanyisa, akwanyisele umntwana?
-
8
|Éxodo 2:8|
Yathi intombi kaFaro kuye, Yiya. Yaya ke intombi leyo, yabiza unina womntwana.
-
-
Sugerencias
Haga clic para leer 1 Corintios 8-10