-
-
Xhosa -
-
11
|Juan 15:11|
Ezi zinto ndizithethile kuni, ukuze uvuyo lwam luhlale kuni, luthi novuyo lwenu luzaliseke.
-
12
|Juan 15:12|
Nguwo lo umthetho wam, wokuba nithandane, njengoko ndanithandayo nina.
-
13
|Juan 15:13|
Akukho namnye unalo uthando olungaphezu kolu, lokuba ubomi bakhe abuncamele izihlobo zakhe.
-
14
|Juan 15:14|
Nizizihlobo zam nina, ukuba nithi nikwenze konke endinimisela khona mna.
-
15
|Juan 15:15|
Andisatsho ukuthi ningabakhonzi; ngokuba umkhonzi akakwazi okwenziwa yinkosi yakhe; mna ke ndithe nizizihlobo; ngokuba zonke izinto endaziva kuBawo, ndanazisa zona.
-
16
|Juan 15:16|
Asinini enanyula mna; ndim owanyula nina, ndanimisela, ukuze niye nithwale isiqhamo, nokuze isiqhamo senu sihlale; ukuze oko enithe nakucela kuBawo egameni lam, nikunikwe.
-
17
|Juan 15:17|
Ndiniwisela lo mthetho wokuba nithandane.
-
18
|Juan 15:18|
Ukuba ihlabathi linithiyile, yazini ukuba lindithiye kuqala kunani.
-
19
|Juan 15:19|
Ukuba beningabehlabathi, ihlabathi linge likuthanda okwalo; ke ngokuba ningengabehlabathi, ndaninyulayo mna kulo ihlabathi, ngenxa yoko linithiyile ihlabathi.
-
20
|Juan 15:20|
Likhumbuleni ilizwi endalithethayo mna kuni, elithi, Akukho mkhonzi umkhulu kunenkosi yakhe. Ukuba banditshutshisa mna, bonitshutshisa nani; ukuba ilizwi lam baligcina, nelenu boligcina.
-
-
Sugerencias
Haga clic para leer Números 20-21