-
Leer por capítulos:
-
Xhosa -
-
1
|Levítico 15:1|
Wathetha uYehova kuMoses nakuAron, esithi,
-
2
|Levítico 15:2|
Thethani koonyana bakaSirayeli, nithi kubo, Indoda ngendoda, xa ithe yanobhobhozo oluphuma enyameni yayo, iyinqambi ngobhobhozo lwayo olo.
-
3
|Levítico 15:3|
Boba bobu ubunqambi bayo ekubhobhozeni kwayo; nokuba inyama yayo iyachiza ukubhobhoza kwayo, nokuba inyama iyakuvingca ukubhobhoza kwayo, bubunqambi bayo obo.
-
4
|Levítico 15:4|
Sonke isilili alala kuso lowo ubhobhozayo soba yinqambi, nempahla yonke ahlala kuyo yoba yinqambi.
-
5
|Levítico 15:5|
Indoda esukuba isichukumisa isilili salowo, yozihlamba iingubo zayo, ihlambe emanzini, ibe yinqambi, ihlwise.
-
6
|Levítico 15:6|
Lowo uhlala phezu kwempahla abehleli kuyo obhobhozayo, wozihlamba iingubo zakhe, ahlambe emanzini, abe yinqambi, ahlwise.
-
7
|Levítico 15:7|
Lowo uwuchukumisayo umzimba wobhobhozayo, wozihlamba iingubo zakhe, ahlambe emanzini, abe yinqambi, ahlwise.
-
8
|Levítico 15:8|
Xa athe obhobhozayo wamtshicela ohlambulukileyo, wozihlamba iingubo zakhe, ahlambe emanzini, abe yinqambi, ahlwise.
-
9
|Levítico 15:9|
Zonke iinqwelo asukuba ekhwela kuzo obhobhozayo zoba ziinqambi.
-
10
|Levítico 15:10|
Bonke abo bachukumisa nantoni ibiphantsi kwakhe, boba ziinqambi, bahlwise; lowo uyithwalayo, wozihlamba iingubo zakhe, ahlambe emanzini, abe yinqambi, ahlwise.
-
-
Sugerencias
Haga clic para leer Éxodo 37-38