-
Leer por capítulos:
-
Xhosa -
-
1
|Levítico 7:1|
Nguwo lo umyalelo wedini letyala: liyingcwele kangcwele lona.
-
2
|Levítico 7:2|
Apho kuxhelelwa khona idini elinyukayo, loxhelelwa khona idini letyala, negazi lalo litshizwe lijikelezise esibingelelweni.
-
3
|Levítico 7:3|
Wosondeza onke amanqatha alo akulo, umsila, nomhlehlo ogubungela izibilini,
-
4
|Levítico 7:4|
nezintso zombini, nenqatha lazo, nelisemihlubulweni, nomhlehlo ophezu kwesibindi, ewususa ngasezintsweni; aqhumisele ngezo nto umbingeleli esibingelelweni.
-
5
|Levítico 7:5|
Kukudla kwasemlilweni kuYehova, lidini letyala ke elo.
-
6
|Levítico 7:6|
Yonke into eyindoda phakathi kwababingeleli yolidla; lodliwa endaweni engcwele; liyingcwele kangcwele lona.
-
7
|Levítico 7:7|
Njengoko linjalo idini lesono, linjalo idini letyala: mnye umyalelo kuwo omabini; umbingeleli ocamagusha ngalo, loba lelakhe.
-
8
|Levítico 7:8|
Umbingeleli osondeza idini elinyukayo lomntu, isikhumba sedini elinyukayo alisondezayo soba sesombingeleli.
-
9
|Levítico 7:9|
Nomnikelo wonke wokudla owosiwa ezikweni lezonka, nawo wonke owenzelwa epanini nasembizeni, woba ngowombingeleli owusondezayo.
-
10
|Levítico 7:10|
Ke umnikelo wonke wokudla ogalelwe ioli, nowomileyo, woba ngowoonyana bonke baka-Aron, omnye abe njengomnye.
-
-
Sugerencias
Haga clic para leer Éxodo 37-38