-
Leer por capítulos:
-
Afrikaans (1953) -
-
1
|Génesis 17:1|
Toe Abram nege en negentig jaar oud was, het die HERE aan Abram verskyn en vir hom gesê: Ek is God, die Almagtige; wandel voor my aangesig, dan sal jy opreg wees.
-
2
|Génesis 17:2|
En Ek wil my verbond sluit tussen My en jou, en jou buitengewoon vermeerder.
-
3
|Génesis 17:3|
Toe val Abram op sy aangesig, en God het met hom gespreek en gesê:
-
4
|Génesis 17:4|
Wat My aangaan, kyk, my verbond is met jou, en jy sal die vader van 'n menigte van nasies word.
-
5
|Génesis 17:5|
Daarom sal hulle jou nie meer Abram noem nie, maar jou naam sal wees Abraham, want Ek maak jou 'n vader van 'n menigte van nasies.
-
6
|Génesis 17:6|
En Ek sal jou buitengewoon vrugbaar maak: Ek sal jou tot nasies maak, en konings sal uit jou voortkom.
-
7
|Génesis 17:7|
En Ek sal my verbond oprig tussen My en jou en jou nageslag ná jou in hulle geslagte as 'n ewige verbond, om vir jou 'n God te wees en vir jou nageslag ná jou.
-
8
|Génesis 17:8|
En Ek sal aan jou en jou nageslag ná jou die land van jou vreemdelingskap gee, die hele land Kanaän, as 'n ewige besitting; en Ek sal vir hulle 'n God wees.
-
9
|Génesis 17:9|
Verder het God aan Abraham gesê: Maar jy moet my verbond hou, jy en jou nageslag ná jou, van geslag tot geslag.
-
10
|Génesis 17:10|
Dit is my verbond wat julle moet hou tussen My en julle en jou nageslag ná jou: Al wat manlik onder julle is, moet besny word--
-
-
Sugerencias
Haga clic para leer Job 3-5