-
Leer por capítulos:
-
Afrikaans (1953) -
-
1
|Génesis 7:1|
Daarna het die HERE aan Noag gesê: Gaan in die ark, jy en jou hele huisgesin, want jou het Ek regverdig bevind voor my aangesig in hierdie geslag.
-
2
|Génesis 7:2|
Van al die rein diere moet jy vir jou telkens sewe paar neem, die mannetjie met sy wyfie; maar van die diere wat nie rein is nie, twee, die mannetjie met sy wyfie.
-
3
|Génesis 7:3|
Ook van die voëls van die hemel telkens sewe paar, die mannetjie met die wyfie, om die geslag in die lewe te hou op die hele aarde.
-
4
|Génesis 7:4|
Want oor nog sewe dae sal Ek laat reën op die aarde, veertig dae en veertig nagte, en al die lewende wesens wat Ek gemaak het, van die aarde verdelg.
-
5
|Génesis 7:5|
En Noag het gedoen net soos die HERE hom beveel het.
-
6
|Génesis 7:6|
En Noag was ses honderd jaar oud toe die watervloed oor die aarde gekom het.
-
7
|Génesis 7:7|
En Noag en sy seuns en sy vrou en die vroue van sy seuns saam met hom het in die ark gegaan vanweë die waters van die vloed.
-
8
|Génesis 7:8|
Van die rein diere en van die diere wat nie rein is nie, en van die voëls en van alles wat op die aarde kruip,
-
9
|Génesis 7:9|
het daar twee-twee na Noag in die ark gegaan, 'n mannetjie en 'n wyfie, soos God Noag beveel het.
-
10
|Génesis 7:10|
Ná die sewe dae kom toe die waters van die vloed op die aarde.
-
-
Sugerencias
Haga clic para leer Job 3-5