-
Leer por capítulos:
-
Afrikaans (1953) -
-
1
|Génesis 22:1|
Ná hierdie dinge het God Abraham op die proef gestel en aan hom gesê: Abraham! En hy antwoord: Hier is ek!
-
2
|Génesis 22:2|
Toe sê Hy: Neem jou seun, jou enigste, wat jy liefhet, Isak, en gaan na die land Moría en offer hom daar as brandoffer op een van die berge wat Ek jou sal aanwys.
-
3
|Génesis 22:3|
Daarop het Abraham die môre vroeg klaargemaak en sy esel opgesaal en twee van sy dienaars en sy seun Isak saam met hom geneem; en hy het hout gekloof vir 'n brandoffer en opgestaan en na die plek gegaan wat God hom aangewys het.
-
4
|Génesis 22:4|
Op die derde dag toe slaan Abraham sy oë op en sien die plek van ver af.
-
5
|Génesis 22:5|
En Abraham sê aan sy dienaars: Bly julle hier met die esel; ek en die seun wil daarheen gaan om te aanbid en dan na julle terugkom.
-
6
|Génesis 22:6|
En Abraham het die hout vir die brandoffer geneem en dit op sy seun Isak gesit, en die vuur en die mes in sy hand geneem. So het hulle twee dan saam geloop.
-
7
|Génesis 22:7|
Toe spreek Isak met sy vader Abraham en sê: My vader! En hy antwoord: Hier is ek, my seun! En hy sê: Hier is die vuur en die hout, maar waar is die lam vir 'n brandoffer?
-
8
|Génesis 22:8|
En Abraham antwoord: God sal vir Homself die lam vir 'n brandoffer voorsien, my seun. So het hulle twee dan saam geloop.
-
9
|Génesis 22:9|
Toe hulle kom op die plek wat God hom aangewys het, het Abraham daar die altaar gebou en die hout reggelê; daarna het hy sy seun Isak gebind en hom op die altaar bo-op die hout gesit.
-
10
|Génesis 22:10|
Toe steek Abraham sy hand uit en neem die mes om sy seun te slag.
-
-
Sugerencias
Haga clic para leer Job 3-5