-
Leer por capítulos:
-
Afrikaans (1953) -
-
1
|Génesis 4:1|
En die mens het sy vrou Eva beken, en sy het swanger geword en Kain gebaar en gesê: Ek het 'n man verkry met die hulp van die HERE.
-
2
|Génesis 4:2|
Daarna het sy ook sy broer Abel gebaar. En Abel het 'n skaapherder geword, en Kain 'n landbouer.
-
3
|Génesis 4:3|
En ná verloop van tyd het Kain van die vrugte van die land aan die HERE 'n offer gebring.
-
4
|Génesis 4:4|
En Abel het ook van die eersgeborenes van sy kleinvee gebring, naamlik van hulle vet. En die HERE het Abel en sy offer genadig aangesien,
-
5
|Génesis 4:5|
maar Kain en sy offer nie aangesien nie. Toe word Kain baie kwaad, en hy het sy hoof laat hang.
-
6
|Génesis 4:6|
En die HERE sê vir Kain: Waarom is jy kwaad, en waarom laat jy jou hoof hang?
-
7
|Génesis 4:7|
Is daar nie verheffing as jy goed doen nie? En as jy nie goed doen nie--die sonde lê en loer voor die deur, en sy begeerte is na jou; maar jy moet daaroor heers.
-
8
|Génesis 4:8|
En Kain het met sy broer Abel gepraat; en toe hulle in die veld was, het Kain teen sy broer Abel opgestaan en hom doodgeslaan.
-
9
|Génesis 4:9|
Toe sê die HERE vir Kain: Waar is jou broer Abel? En hy antwoord: Ek weet nie. Is ek my broer se wagter?
-
10
|Génesis 4:10|
En Hy sê: Wat het jy gedoen? Die stem van die bloed van jou broer roep na My van die aarde af.
-
-
Sugerencias
Haga clic para leer Juan 14-15