-
Leer por capítulos:
-
Afrikaans (1953) -
-
1
|Génesis 33:1|
En Jakob het sy oë opgeslaan, en toe hy meteens Esau sien aankom en vier honderd man saam met hom, het hy die kinders onder Lea en Ragel en onder die twee slavinne verdeel.
-
2
|Génesis 33:2|
En hy het die slavinne met hulle kinders eerste, en Lea met haar kinders daaragter, en Ragel en Josef laaste opgestel;
-
3
|Génesis 33:3|
maar hy self het voor hulle uit gegaan en hom sewe maal na die aarde gebuig, totdat hy by sy broer gekom het.
-
4
|Génesis 33:4|
Toe loop Esau hom tegemoet en omhels hom en val hom om die hals en soen hom; en hulle het geween.
-
5
|Génesis 33:5|
Daarna het hy sy oë opgeslaan en die vroue en kinders gesien en gesê: Wie het jy daar by jou? En hy antwoord: Die kinders wat God uit genade aan u dienaar geskenk het.
-
6
|Génesis 33:6|
En die slavinne het nader gekom, hulle en hulle kinders, en hul neergebuig.
-
7
|Génesis 33:7|
En Lea het ook nader gekom met haar kinders en hul neergebuig; en daarna het Josef nader gekom en Ragel en hul neergebuig.
-
8
|Génesis 33:8|
Daarop sê hy: Wat is jou bedoeling met daardie hele laer wat ek teëgekom het? En hy antwoord: Om guns te vind in die oë van my heer.
-
9
|Génesis 33:9|
Maar Esau sê: Ek het baie, my broer! Wat joue is, laat dit joue bly!
-
10
|Génesis 33:10|
Toe antwoord Jakob: Ag nee, as ek nou guns in u oë gevind het, neem dan my geskenk uit my hand aan. Want juis daarom het ek u aangesig te sien gekry soos 'n mens die aangesig van God sien, en u het behae in my gehad.
-
-
Sugerencias
Haga clic para leer Éxodo 5-8