Eclesiastes 4 - Versão AFRIKAANS - Novo Tempo - BibliaOnLine

Eclesiastes

Leia por capítulos

Comentário sobre a Leitura Bíblica de Hoje

1

2

3

4

5

6

7

8

9

10

11

12

Afrikaans (1953)

Capítulo 4

₁ |Eclesiastes 4:1| Daarna weer het ek gesien al die verdrukkinge wat onder die son plaasvind, en kyk, daar was trane van verdruktes, en vir hulle was daar geen trooster nie; en aan die kant van hulle verdrukkers was mag, maar daar was vir hulle geen trooster nie.

₂ |Eclesiastes 4:2| Daarom het ek die dooies wat lankal gesterf het, gelukkig geprys bo die lewendes wat nog lewe,

₃ |Eclesiastes 4:3| en gelukkig bo hulle altwee hom wat nog nie gewees het en die verkeerde werk wat onder die son plaasvind, nie gesien het nie.

₄ |Eclesiastes 4:4| Verder het ek gesien dat al die moeitevolle arbeid en al die bekwaamheid by die werk naywer is van die een teenoor die ander. Ook dit is tevergeefs en 'n gejaag na wind.

₅ |Eclesiastes 4:5| Die dwaas vou sy hande en eet sy eie vlees op.

₆ |Eclesiastes 4:6| Een handvol rus is beter as altwee vuiste vol moeite en gejaag na wind.

₇ |Eclesiastes 4:7| En weer het ek 'n vergeefse moeite gesien onder die son:

₈ |Eclesiastes 4:8| Daar is een allenig sonder 'n tweede, ook het hy geen seun of broer nie; tog is daar geen einde aan al sy moeitevolle arbeid nie, sy oë kry ook nie genoeg van rykdom nie. Vir wie tog vermoei ek my en laat my siel gebrek ly aan die goeie? Ook dit is tevergeefs en 'n verkeerde saak.

₉ |Eclesiastes 4:9| Twee is beter as een, want hulle het 'n goeie beloning vir hulle moeitevolle arbeid.

₁₀ |Eclesiastes 4:10| Want as hulle val, kan die een sy maat optel, maar wee die een wat val sonder dat daar 'n tweede is om hom op te tel.

- Sugestões