-
Leer por capítulos:
-
Afrikaans (1953) -
-
4
|Génesis 50:4|
En toe die dae van geween oor hom verby was, het Josef met die huis van Farao gespreek en gesê: As ek dan guns in julle oë gevind het, spreek tog dit voor die ore van Farao:
-
5
|Génesis 50:5|
My vader het my laat sweer en gesê: Kyk, ek gaan sterwe; in my graf wat ek vir my in die land Kanaän uitgekap het, daar moet jy my begrawe. Laat my dan nou tog optrek en my vader begrawe. Daarna sal ek terugkom.
-
6
|Génesis 50:6|
En Farao sê: Trek op en begrawe jou vader soos hy jou laat sweer het.
-
7
|Génesis 50:7|
Toe het Josef opgetrek om sy vader te begrawe, en al die dienaars van Farao, die oudstes van sy huis, het saam met hom opgetrek, en al die oudstes van Egipteland;
-
8
|Génesis 50:8|
ook die hele huis van Josef en sy broers en die huis van sy vader. Net hulle kinders en hulle kleinvee en hulle beeste het hulle in die land Gosen laat agterbly.
-
9
|Génesis 50:9|
En saam met hom het opgetrek strydwaens sowel as ruiters, sodat dit 'n baie groot trek was.
-
10
|Génesis 50:10|
En toe hulle by die Steekdoring-dorsvloer kom, wat oos van die Jordaan lê, het hulle daar 'n groot en baie swaar rouklag gehou. En hy het oor sy vader rou laat bedrywe sewe dae lank.
-
11
|Génesis 50:11|
Toe die inwoners van die land, die Kanaäniete, die roubedryf by die Steekdoring-dorsvloer sien, sê hulle: Dit is 'n swaar rou vir die Egiptenaars. Daarom het hulle dit Abel-Misraim genoem, wat oos van die Jordaan lê.
-
12
|Génesis 50:12|
En sy seuns het met hom gedoen net soos hy hulle beveel het:
-
13
|Génesis 50:13|
sy seuns het hom weggebring na die land Kanaän en hom begrawe in die spelonk van die stuk grond van Magpéla, die stuk grond wat Abraham as eiendomsgraf gekoop het van Efron, die Hetiet, oos van Mamre.
-
-
Sugerencias
Haga clic para leer Proverbios 16-19