-
Leer por capítulos:
-
Afrikaans (1953) -
-
29
|Génesis 24:29|
En Rebekka het 'n broer gehad met die naam van Laban, en Laban het uitgeloop na die man buite by die fontein.
-
30
|Génesis 24:30|
Want toe hy die ring en die armbande aan die hande van sy suster sien en die woorde van sy suster Rebekka hoor, naamlik: So het die man met my gespreek--het hy na die man gegaan, terwyl hy nog daar staan by die kamele by die fontein,
-
31
|Génesis 24:31|
en gesê: Kom in, geseënde van die HERE! Waarom staan jy buitekant terwyl ek die huis reggemaak het en ook plek vir die kamele?
-
32
|Génesis 24:32|
En die man het in die huis ingekom--die kamele is afgesaal en vir die kamele is strooi en voer gegee, en water om sy voete te was en die voete van die manne wat by hom was.
-
33
|Génesis 24:33|
Daarop het hulle ete voor hom neergesit; maar hy het gesê: Ek sal nie eet voordat ek my saak voorgedra het nie. En hy antwoord: Spreek maar.
-
34
|Génesis 24:34|
Toe sê hy: Ek is die dienaar van Abraham.
-
35
|Génesis 24:35|
En die HERE het my heer baie geseën, sodat hy groot geword het, en aan hom kleinvee en beeste, silwer en goud, slawe en slavinne en kamele en esels gegee.
-
36
|Génesis 24:36|
En Sara, die vrou van my heer, het vir my heer 'n seun gebaar nadat sy al oud was; en hy het aan hom alles oorgegee wat hy besit.
-
37
|Génesis 24:37|
En my heer het my laat sweer en gesê: Jy moet vir my seun geen vrou neem uit die dogters van die Kanaäniete in wie se land ek woon nie;
-
38
|Génesis 24:38|
maar jy moet gaan na die huis van my vader en na my geslag en vir my seun 'n vrou gaan haal.
-
-
Sugerencias
Haga clic para leer Eclesiastés 1-4