-
Leer por capítulos:
-
Afrikaans (1953) -
-
1
|Mateo 2:1|
En toe Jesus te Betlehem in Judéa gebore is, in die dae van koning Herodes, het daar wyse manne uit die Ooste in Jerusalem aangekom
-
2
|Mateo 2:2|
en gesê: Waar is die Koning van die Jode, wat gebore is? Want ons het sy ster in die Ooste gesien en gekom om Hom hulde te bewys.
-
3
|Mateo 2:3|
En toe koning Herodes dit hoor, was hy ontsteld en die hele Jerusalem saam met hom;
-
4
|Mateo 2:4|
en hy het al die owerpriesters en die skrifgeleerdes van die volk bymekaar laat kom en by hulle navraag gedoen waar die Christus gebore sou word.
-
5
|Mateo 2:5|
En hulle het vir hom gesê: Te Betlehem in Judéa, want so is daar deur die profeet geskrywe:
-
6
|Mateo 2:6|
En jy, Betlehem, land van Juda, is volstrek nie die geringste onder die vorste van Juda nie, want uit jou sal 'n leidsman voortkom wat vir my volk Israel 'n herder sal wees.
-
7
|Mateo 2:7|
Toe het Herodes die wyse manne in die geheim geroep en hulle na die tyd van die ster se verskyning uitgevra;
-
8
|Mateo 2:8|
en hy het hulle na Betlehem gestuur en gesê: Gaan doen noukeurig ondersoek na die Kindjie, en as julle Hom vind, laat my weet, sodat ek ook kan gaan en Hom hulde bewys.
-
9
|Mateo 2:9|
En nadat hulle die koning aangehoor het, het hulle vertrek. En kyk, die ster wat hulle in die Ooste gesien het, gaan voor hulle uit totdat hy kom en bly staan bo-oor die plek waar die Kindjie was.
-
10
|Mateo 2:10|
En toe hulle die ster sien, het hulle hul met baie groot blydskap verheug.
-
-
Sugerencias
Haga clic para leer 1 Pedro 1-5