-
Leer por capítulos:
-
Afrikaans (1953) -
-
1
|Mateo 28:1|
En laat ná die sabbat toe dit begin lig word, teen die eerste dag van die week, kom Maria Magdaléna en die ander Maria om na die graf te gaan kyk.
-
2
|Mateo 28:2|
En daar kom 'n groot aardbewing, want 'n engel van die Here het uit die hemel neergedaal en gekom en die steen van die opening weggerol en daarop gaan sit.
-
3
|Mateo 28:3|
En sy gedaante was soos weerlig en sy kleding wit soos sneeu.
-
4
|Mateo 28:4|
En uit vrees vir hom het die wagte gebewe en soos dooies geword.
-
5
|Mateo 28:5|
Maar die engel antwoord en sê vir die vroue: Moenie vrees nie, want ek weet julle soek Jesus wat gekruisig is.
-
6
|Mateo 28:6|
Hy is nie hier nie, want Hy het opgestaan soos Hy gesê het. Kom kyk na die plek waar die Here gelê het;
-
7
|Mateo 28:7|
en gaan haastig, sê vir sy dissipels: Hy het opgestaan uit die dode en gaan voor julle uit na Galiléa. Daar sal julle Hom sien. Kyk, ek het julle dit gesê.
-
8
|Mateo 28:8|
En hulle het haastig weggegaan van die graf met vrees en groot blydskap, en gehardloop om dit aan sy dissipels te vertel.
-
9
|Mateo 28:9|
En terwyl hulle op weg was om dit aan sy dissipels te vertel, kom Jesus hulle meteens teë en sê: Wees gegroet! Toe kom hulle nader en gryp sy voete en aanbid Hom.
-
10
|Mateo 28:10|
En Jesus sê vir hulle: Moenie vrees nie. Gaan heen en vertel my broeders dat hulle na Galiléa moet gaan; en daar sal hulle My sien.
-
-
Sugerencias
Haga clic para leer Job 3-5