-
Leer por capítulos:
-
Afrikaans (1953) -
-
31
|Mateo 21:31|
Wie van die twee het die wil van die vader gedoen? Hulle antwoord Hom: Die eerste. Jesus sê vir hulle: Voorwaar Ek sê vir julle, die tollenaars en die hoere gaan julle voor in die koninkryk van God.
-
32
|Mateo 21:32|
Want Johannes het na julle gekom in die weg van geregtigheid, en julle het hom nie geglo nie; maar die tollenaars en die hoere het hom geglo. En julle het dit gesien en tog nie later berou gekry om hom te glo nie.
-
33
|Mateo 21:33|
Luister na 'n ander gelykenis: Daar was 'n sekere huisheer wat 'n wingerd geplant het; en hy het 'n heining daarom gesit en 'n parskuip daarin gegrawe en 'n wagtoring gebou, en hy het dit aan landbouers verhuur en op reis gegaan.
-
34
|Mateo 21:34|
En toe die vrugtetyd nader kom, stuur hy sy diensknegte na die landbouers om sy vrugte te ontvang.
-
35
|Mateo 21:35|
Maar die landbouers het sy diensknegte geneem en een geslaan en 'n ander een doodgemaak en 'n ander een gestenig.
-
36
|Mateo 21:36|
Weer het hy ander diensknegte gestuur, meer as die eerstes, en hulle het met dié net so gemaak.
-
37
|Mateo 21:37|
Oplaas het hy sy seun na hulle gestuur en gesê: Hulle sal my seun ontsien.
-
38
|Mateo 21:38|
Maar toe die landbouers die seun sien, het hulle onder mekaar gesê: Dit is die erfgenaam; kom laat ons hom doodmaak en sy erfdeel in besit neem.
-
39
|Mateo 21:39|
En hulle het hom geneem en buitekant die wingerd uitgewerp en doodgemaak.
-
40
|Mateo 21:40|
Wanneer die eienaar van die wingerd dan kom, wat sal hy met daardie landbouers doen?
-
-
Sugerencias
Haga clic para leer 1 Pedro 1-5