-
-
Xhosa -
-
21
|Lucas 12:21|
Unjalo lowo uziqwebela ubutyebi, engenabutyebi kuThixo.
-
22
|Lucas 12:22|
Wathi ke kubo abafundi bakhe, Ngenxa yoko ndithi kuni, Musani ukubuxhalela ubomi benu, ngokuthi ningadla ntoni na; kwanomzimba, ngokuthi ningambatha ntoni na.
-
23
|Lucas 12:23|
Ubomi bukhulu kunokudla, nomzimba kunento yokwambatha.
-
24
|Lucas 12:24|
Qondani ngamahlungulu la, ngokuba akahlwayeli, akavuni; kuwo akukho qonga navimba, kanti noko uThixo uyawondla; nina nibeke phi na ke, ukuzigqitha iintaka!
-
25
|Lucas 12:25|
Nguwuphi na ke kuni onokuthi ngokuxhala ongeze ebukhulwini bakhe ikubhite ibe nye?
-
26
|Lucas 12:26|
Ukuba ngoko aninako ukwenza neyona nto incinane, yini na ukuba nizixhalele ezinye?
-
27
|Lucas 12:27|
Qondani ngeenyibiba, ukuhluma kwazo; azibulaleki, azisonti nokusonta; ndithi ke kuni, Naye uSolomon, kubo bonke ubunewunewu bakhe, wayengavathanga nanjenganye yazo ezi.
-
28
|Lucas 12:28|
Ukuba ke ingca, leyo isendle, ethi namhla ibekho, ize ngomso iphoswe eziko, wenjenjalo uThixo ukuyambesa, wobeka phi na ke kuni, bantundini balukholo luncinane?
-
29
|Lucas 12:29|
Nani nize ningafuni ukuthi ningadla ntoni na, nisele ntoni na; kanjalo nize ningathingazi;
-
30
|Lucas 12:30|
ngokuba zonke ezo nto zingxanyelwe ziintlanga zehlabathi; uYihlo ke uyazi ukuba niziswele ezo zinto.
-
-
Sugerencias
Haga clic para leer Éxodo 37-38