-
-
Xhosa -
-
1
|Lucas 24:1|
Ke kaloku, ngolokuqala usuku lweveki, ngesifingo sokusa, beza engcwabeni, bephethe ubulawu ababebulungisile, kukho nabanye abafazi nabo.
-
2
|Lucas 24:2|
Balifumana ke ilitye liqengqiwe, lesuka engcwabeni.
-
3
|Lucas 24:3|
Bakuba bengenile, abawufumananga umzimba weNkosi uYesu.
-
4
|Lucas 24:4|
Kwathi, ekukhohlweni kwabo yile nto, kwabonakala amadoda amabini, ebafikela, eneengubo ezibengezelayo.
-
5
|Lucas 24:5|
Ke kaloku, bakubonÂ’ ukuba bangenelwe kukoyika, beqondele emhlabeni, athi kubo, Yini na ukuba ophilileyo nimfune phakathi kwabafileyo?
-
6
|Lucas 24:6|
Akakho apha, uvukile; khumbulani ukuthetha kwakhe kuni, oko ebesekwelaseGalili,
-
7
|Lucas 24:7|
esithi, UNyana woMntu umelwe kukuthi anikelwe ezandleni zabantu abangaboni, abethelelwe emnqamlezweni, athi ngomhla wesithathu abuye avuke.
-
8
|Lucas 24:8|
Bawakhumbula ke amazwi akhe;
-
9
|Lucas 24:9|
bebuyile engcwabeni, bazibika zonke ezo zinto kwabalishumi elinamnye, nakubo bonke abanye.
-
10
|Lucas 24:10|
Baye ke bengooMariya waseMagadala, noYohana, noMariya kaYakobi, nabanye ababenabo, abazixelayo ezo zinto kubapostile.
-
-
Sugerencias
Haga clic para leer Éxodo 37-38