Hebreus 9 - Versão AFRIKAANS - Novo Tempo - BibliaOnLine

Hebreus

Leia por capítulos

Comentário sobre a Leitura Bíblica de Hoje

1

2

3

4

5

6

7

8

9

10

11

12

13

Afrikaans (1953)

Capítulo 9

₁ |Hebreus 9:1| So het dan die eerste verbond sowel verordeninge vir die erediens asook sy aardse heiligdom gehad.

₂ |Hebreus 9:2| Want die tabernakel is so ingerig: die eerste, waarin die kandelaar was en die tafel en die toonbrode, wat die Heilige genoem word;

₃ |Hebreus 9:3| en agter die tweede voorhangsel die tabernakel wat genoem word die Allerheiligste,

₄ |Hebreus 9:4| waarin 'n goue wierookbak was en die ark van die verbond, rondom heeltemal met goud oortrek, waarin die goue kruik met die manna was en die staf van Aäron wat gebloei het, en die tafels van die verbond;

₅ |Hebreus 9:5| en daar bo-op die gérubs van die heerlikheid wat die versoendeksel oorskadu het, waaroor nie nou afsonderlik gespreek kan word nie.

₆ |Hebreus 9:6| En nadat hierdie dinge so ingerig was, het die priesters wel gedurig in die eerste tabernakel ingegaan om die dienste te vervul,

₇ |Hebreus 9:7| maar in die tweede die hoëpriester alleen, een maal in die jaar, nie sonder bloed nie, wat hy offer vir homself en vir die sondes van die volk uit onwetendheid begaan--

₈ |Hebreus 9:8| waarmee die Heilige Gees dít duidelik maak, dat die weg na die heiligdom nog nie geopen is so lank as die eerste tabernakel nog standhou nie.

₉ |Hebreus 9:9| Dit was 'n beeld met die oog op die teenwoordige tyd waarin daar gawes en offers gebring word, wat hom wat die diens verrig, na die gewete nie volkome kan maak nie,

₁₀ |Hebreus 9:10| omdat dit net bestaan het in spys en drank en verskillende wassinge en vleeslike verordeninge wat opgelê is tot op die tyd van herstelling.

- Sugestões