-
-
Afrikaans (1953) -
-
12
|Hebreus 12:12|
Daarom, rig die slap hande en die verlamde knieë weer op;
-
13
|Hebreus 12:13|
en maak reguit paaie vir julle voete, sodat wat kreupel is, nie uit lit raak nie, maar liewer gesond gemaak word.
-
14
|Hebreus 12:14|
Jaag die vrede na met almal, en die heiligmaking waarsonder niemand die Here sal sien nie;
-
15
|Hebreus 12:15|
en pas op dat niemand in die genade van God veragter nie; dat geen wortel van bitterheid opskiet en onrus verwek en baie hierdeur besoedel word nie.
-
16
|Hebreus 12:16|
Laat niemand 'n hoereerder wees nie, of 'n onheilige soos Esau, wat vir één spysgereg sy eersgeboortereg verkoop het.
-
17
|Hebreus 12:17|
Want julle weet dat hy, toe hy ook later die seën wou beërwe, verwerp is, want hy het geen geleentheid vir berou gevind nie, al het hy dit met trane vurig begeer.
-
18
|Hebreus 12:18|
Want julle het nie gekom by 'n tasbare berg nie en 'n brandende vuur en donkerheid en duisternis en storm
-
19
|Hebreus 12:19|
en basuingeklank en die geluid van woorde waarby die hoorders gesmeek het dat hulle geen woord meer sou toegevoeg word nie--
-
20
|Hebreus 12:20|
want hulle kon die gebod nie verdra nie: selfs as 'n dier die berg aanraak, moet dit gestenig word of met 'n pyl neergeskiet word.
-
21
|Hebreus 12:21|
En Moses, so vreeslik was die gesig, het gesê: Ek is verskrik en ek sidder.
-
-
Sugestões
Clique para ler Apocalipse 22-22