-
-
Bibla Shqiptare -
-
1
|Abdias 1:1|
Vegimi i Abdias. Kështu thotë Zoti, Zoti, për Edomin: "Ne kemi dëgjuar një mesazh nga Zoti dhe një ambasador është dërguar midis kombeve për të thënë: "Lëvizni dhe të ngrihemi kundër tij për të luftuar".
-
2
|Abdias 1:2|
Ja, unë do të të bëj të vogël midis kombeve; ti do të jesh shumë i përbuzur.
-
3
|Abdias 1:3|
Krenaria e zemrës sate të ka mashtruar, o ti që banon në të çarat e shkëmbinjve, ku ke bërë banesën tënde të lartë, që thua në zemrën tënde: "Kush do të më zbresë për tokë?"
-
4
|Abdias 1:4|
Edhe sikur ti të ngrihesh lart si një shqiponjë dhe ta vije folenë tënde midis yjeve, unë do të të zbres nga atje lart", thotë Zoti.
-
5
|Abdias 1:5|
"Po të të vinin natën cuba ose kusarë, si do të shkatërroheshe! A nuk do të vidhnin aq sa u mjafton? Po të të vinin vjelësit e rrushit, a nuk do të linin disa vile për të mbledhur?
-
6
|Abdias 1:6|
Oh, sa do ta zhbirojnë Esaun, si do t´i rrëmojnë skutat e tij!
-
7
|Abdias 1:7|
Tërë aleatët e tu do të të shtrëngojnë në kufi, ata që ishin në paqe me ty do të të mashtrojnë dhe do të kenë epërsi mbi ty; ata që hanë bukën tënde do të kurdisin gracka; por ai nuk e kupton këtë.
-
8
|Abdias 1:8|
Atë ditë", thotë Zoti, "unë do të zhduk nga Edomi njerëzit e ditur dhe nga mali i Esaut mënçurinë.
-
9
|Abdias 1:9|
Atëherë trimat e tu do t´i zërë tmerri, o Teman, derisa çdo njeri të shfaroset nga mali i Esaut në masakër.
-
10
|Abdias 1:10|
Për shkak të dhunës kundër vëllait tënd Jakob, turpi do të të mbulojë dhe do të shfarosesh përjetë.
-
-
Sugerencias
Haga clic para leer 1 Corintios 1-4