-
-
Bibla Shqiptare -
-
1
|2 Samuel 1:1|
Pas vdekjes së Saulit, Davidi u kthye nga masakra e Amalekitëve dhe u ndal dy ditë në Tsiklag.
-
2
|2 Samuel 1:2|
Ditën e tretë arriti në kampin e Saulit një burrë me rroba të grisura dhe me kokën me dhe. Sa arriti pranë Davidit, ai ra për tokë dhe u përkul.
-
3
|2 Samuel 1:3|
Davidi e pyeti: "Nga vjen?". Ai iu përgjigj: "Kam ikur nga kampi i Izraelit".
-
4
|2 Samuel 1:4|
Davidi i tha: "Si u bë? Të lutem, më trego". Ai iu përgjigj: "Populli iku nga fusha e betejës dhe shumë njerëz ranë dhe vdiqën; edhe Sauli dhe biri i tij Jonatan kanë vdekur".
-
5
|2 Samuel 1:5|
Atëherë Davidi e pyeti të riun që i tregonte ngjarjen: "Si e di ti që Sauli dhe biri i tij Jonatani kanë vdekur?".
-
6
|2 Samuel 1:6|
I riu që i tregonte ngjarjen tha: "Ndodhesha rastësisht në malin Gilboa, kur pashë Saulin të mbështetur në shtizën e tij, ndërsa qerret dhe kalorësit e ndiqnin nga afër.
-
7
|2 Samuel 1:7|
Ai u kthye, më pa dhe më thirri. Unë iu përgjigja: "Ja ku jam".
-
8
|2 Samuel 1:8|
Ai më pyeti: "Kush je ti?". Unë iu përgjigja: "Jam një Amalekit".
-
9
|2 Samuel 1:9|
Atëherë ai më tha: "Afrohu tek unë dhe më vrit, sepse një ankth i madh më ka pushtuar, por jeta është e tëra akoma tek unë".
-
10
|2 Samuel 1:10|
Kështu iu afrova atij dhe e vrava, sepse e kuptoja që ai nuk do të mund të jetonte mbas rënies së tij. Pastaj mora diademën që kishte mbi kokë dhe byzylykun që mbante në krah, dhe i solla këtu te zotëria im".
-
-
Sugerencias
Haga clic para leer 1 Corintios 1-4