-
-
Bibla Shqiptare -
-
1
|2 Samuel 2:1|
Mbas kësaj, Davidi u këshillua me Zotin, duke thënë: "A duhet të shkoj në ndonjë nga qytetet e Judës?". Zoti iu përgjigj: "Shko". Davidi e pyeti: "Ku të shkoj?". Zoti u përgjigj: "Në Hebron".
-
2
|2 Samuel 2:2|
Kështu Davidi shkoi atje me dy gratë e tij, Jezreeliten Ahinoam dhe Karmelitën Abigail, që kishte qenë gruaja e Nabalit.
-
3
|2 Samuel 2:3|
Davidi çoi edhe njerëzit që ishin me të, secili me familjen e tij, dhe u vendosën në qytetet e Hebronit.
-
4
|2 Samuel 2:4|
Pastaj erdhën njerëzit e Judës dhe e vajosën Davidin mbret të shtëpisë së Judës. Pas kësaj i thanë Davidit se qenë njerëzit e Jabeshit të Galaadit ata që kishin varrosur Saulin.
-
5
|2 Samuel 2:5|
Atëherë Davidi u dërgoi lajmëtarë njerëzve të Jabeshit të Galaadit për t´u thënë: "Qofshi të bekuar nga Zoti për mirësinë që treguat ndaj Saulit, zotërisë suaj, duke e varrosur!
-
6
|2 Samuel 2:6|
Tani Zoti tregoftë mirësi dhe besnikëri ndaj jush. Edhe unë do t´ju bëj të mirë, sepse keni bërë një gjë të tillë.
-
7
|2 Samuel 2:7|
Prandaj le të marrin forcë duart tuaja dhe qofshi trima, sepse Sauli, zotëria juaj, vdiq, por shtëpia e Judës më ka vajosur mbret të saj".
-
8
|2 Samuel 2:8|
Ndërkohë Abneri, bir i Nerit, komandant i ushtrisë së Saulit, mori Ish-Boshethin, birin e Saulit, dhe e çoi në Mahanaim;
-
9
|2 Samuel 2:9|
dhe e bëri mbret të Galaadit, të Ashuritëve, të Jezreelit, të Efraimit, të Beniaminit dhe të tërë Izraelit.
-
10
|2 Samuel 2:10|
Ish-Boshethi, bir i Saulit, ishte dyzet vjeç kur filloi të mbretërojë mbi Izrael dhe mbretërimi i tij vazhdoi dy vjet. Por shtëpia e Judës shkonte pas Davidit.
-
-
Sugerencias
Haga clic para leer 1 Corintios 1-4