-
Leer por capítulos:
-
Xhosa -
-
1
|Génesis 7:1|
Wathi uYehova kuNowa, Ngena, wena nendlu yakho yonke, emkhombeni, ngokuba ndibona wena ilungisa phambi kwam kwesi sizukulwana.
-
2
|Génesis 7:2|
Kwizinto zonke ezizitho zine ezihlambulukileyo, thabathela kuwe ngasixhenxe, ngasixhenxe, inkunzi nemazi yayo; kwizinto ezizitho zine eziziinqambi thabatha ngambini, inkunzi nemazi yayo;
-
3
|Génesis 7:3|
nakwiintaka zezulu ngasixhenxe, ngasixhenxe, inkunzi nemazi, ukuze imbewu igcinakale ehlabathini lonke.
-
4
|Génesis 7:4|
Kuba zisesixhenxe iintsuku, ndize ndinise imvula ehlabathini iimini zibe mashumi mane nobusuku obumashumi mane, ndiyicime into yonke emiyo endayenzayo, ingabikho phezu kwehlabathi.
-
5
|Génesis 7:5|
Wenza uNowa konke uYehova awamwisela umthetho ngako.
-
6
|Génesis 7:6|
UNowa waye eminyaka imakhulu mathandathu ezelwe, wabakho unogumbe wamanzi ehlabathini.
-
7
|Génesis 7:7|
Wangena uNowa emkhombeni, enoonyana bakhe, nomkakhe, nabafazi boonyana bakhe, ndawonye naye, ngenxa yamanzi onogumbe.
-
8
|Génesis 7:8|
Kuzo izinto ezizitho zine ezihlambulukileyo, nakuzo izinto ezizitho zine eziziinqambi, nakuzo iintaka, nakuzo zonke izinto ezinambuzelayo emhlabeni,
-
9
|Génesis 7:9|
kwangena ngambini, ngambini, kuNowa emkhombeni, inkunzi nemazi, njengoko uThixo abemwisele umthetho uNowa.
-
10
|Génesis 7:10|
Kwathi emva kweentsuku ezisixhenxe, amanzi onogumbe abakho ehlabathini.
-
-
Sugerencias
Haga clic para leer 1 Corintios 8-10