-
Leer por capítulos:
-
Xhosa -
-
1
|Génesis 9:1|
UThixo wamsikelela uNowa noonyana bakhe, wathi kubo, Qhamani, nande, nizalise ihlabathi.
-
2
|Génesis 9:2|
Ukoyikeka kwenu, nokuqhiphula kwenu umbilini, makube phezu kwezinto zonke eziphilileyo zomhlaba, naphezu kweentaka zonke zezulu, nakwiinto zonke ezinambuzelayo emhlabeni, nakwiintlanzi zonke zolwandle; zona zinikelwe esandleni senu.
-
3
|Génesis 9:3|
Zonke izinambuzane eziphilileyo mazibe kukudla kuni; njengomfuno oluhlaza, ndininikile oko konke.
-
4
|Génesis 9:4|
Yinyama yodwa enomphefumlo wayo, enegazi layo, eningasayi kuyidla.
-
5
|Génesis 9:5|
Ligazi lenu lodwa, imiphefumlo yenu ke, endiya kulibiza; esandleni sezinto zonke eziphilileyo ndiya kulibiza, nasesandleni somntu; esandleni salowo ungumzalwana wakhe, ndiya kuwubiza umphefumlo womntu.
-
6
|Génesis 9:6|
Ophalaza igazi lomntu, igazi lakhe lophalazwa ngumntu, ngokuba umntu wenziwa ngokomfanekiselo kaThixo.
-
7
|Génesis 9:7|
Nina ke, qhamani nande, nilizalise ihlabathi, nande kulo.
-
8
|Génesis 9:8|
Watsho uThixo kuNowa, nakoonyana bakhe ndawonye naye, ukuthi,
-
9
|Génesis 9:9|
Yabonani, mna ndiyawumisa umnqophiso wam nani, nembewu yenu emva kwenu,
-
10
|Génesis 9:10|
nayo yonke imiphefumlo ephilileyo ekuni, kwiintaka, nakwizinto ezizitho zine, nakwizinto zonke eziphilileyo zehlabathi ezikuni; kwiinto zonke eziphume emkhombeni, ezizizinto zonke eziphilileyo zehlabathi.
-
-
Sugerencias
Haga clic para leer 1 Corintios 8-10